متحدہ عرب امارات اور سعودیہ کا مشترکہ ویزا جاری کرنے کا اعلان
متحدہ عرب امارات کے وزیر معیشت سلطان المنصوری نے اعلان کیا ہے کہ دونوں ممالک کے مابین مشترکہ ویزا جاری کرنے کے لئے سعودی عرب اور متحدہ عرب امارات کے درمیان ہم آہنگی کا عمل جاری ہے تاکہ متحدہ عرب امارات میں آنے والے زائرین کو سعودی عرب کا دورہ کرنے کے قابل بنایا جاسکے اور اس کے برعکس سعودی عرب میں آنے والے زائرین کو متحدہ عرب امارت کا دورہ کرنے کے قابل بنایا جاسکے
توقع کی جارہی ہے کہ نیا ویزا 2020 میں نافذ ہوجائے گا۔ "اس اقدام کا مقصد سعودی عرب کی طرف سے مملکت میں سیاحوں کے داخلے کو آسان بنانے کے لئے اٹھائے گئے بے پناہ صلاحیتوں اور عظیم اقدامات سے فائدہ اٹھانا ہے۔”
منصوری نے کہا کہ یہ ان اقدامات میں شامل ہے جن کو متعلقہ حکام نے تیار کیا اور اس کی منظوری دی ہے۔
انہوں نے کہا ، "متحدہ عرب امارات اور سعودی عرب کے عہدیدار اس اقدام کو عملی جامہ پہنانے کے ضوابط پر عملدرآمد کے لئے فی الحال مشترکہ اجلاس منعقد کر رہے ہیں۔
انہوں نے نشاندہی کی کہ اس اقدام سے دونوں ممالک کے مابین فلائٹ خدمات کے حجم میں اضافہ کرنے میں مدد ملے گی۔ اس وقت پروازوں کی تعداد کافی نہیں ہے اور ہمیں اسے دوگنا کرنے کی ضرورت ہے۔